પેટ્રોલ બાઈક નો વાગી જશે મૃત્યુ ઘંટ, ઓલા એ લોન્ચ કર્યા દમદાર સ્કુટર.. ફીચર અને કિંમત છે ચોંકાવનારી.

આ વાંચ્યા બાદ તમે પેટ્રોલ વાળી બાઈક તો નહિ જ લો તેની ગેરંટી.. જેની લાંબા સમયથી રાહ જોઈ રહ્યા હતા એ સમય આવી ગયો છે. OLA ના CEO ભાવીશ અગ્રવાલએ 15 મી ઓગસ્ટ 2021 (સ્વતંત્રતા દિવસ) ના દિવસે OLA ના 2  ઇલેક્ટ્રિક સ્કુટર પબ્લિક સામે રજુ કર્યા છે. આ બંને સ્કુટર ના મોડલ નામ “S1” અને “S1 pro” છે. આજે આ બંને સ્કુટર વિશે પૂરી માહિતી વિસ્તારથી જાણીશું. ના એક વાતની ગેરંટી છે કે જો તમે ઇલેક્ટ્રિક બાઈક લેવાનું વિચારતા હોય તો આ માહિતી પુરેપુરી જરૂર વાંચી લેજો.

Ola Electric scooter ની ભારતમાં આવેલી જે ફેક્ટરી છે તે દુનિયાની સૌથી મોટી 2 વ્હીલર ફેક્ટરી છે. જેમાં તે દર વર્ષે 1 કરોડ સ્કુટર બનાવી શકે છે. તેની એવરેજ કાઢો તો દર 2 સેકન્ડમાં 1 સ્કુટર બનશે. આ સાથે ભાવિશ અગ્રવાલે એક એ વાત પણ કહી છે કે અમે આ બંને સ્કુટરમાં મુખ્યત્વે 1. બેસ્ટ ડીઝાઈન 2. બેસ્ટ પરફોર્મન્સ અને 3. બેસ્ટ ટેકનોલોજી નું ખાસ ધ્યાન રાખ્યું છે.

Ola Electric scooter માં સૌ પ્રથમ એ જાણીએ કે, તેના ટોટલ કેટલા એવા ફીચર છે કે, જે તમને આ સ્કુટર લેવા માટે મજબુર કરશે. ભાવિશ અગ્રવાલે પોતે તેના સ્કુટર વિશેના બધા જ ફીચર જણાવ્યા હતા. જેમાં મુખ્યત્વે અમુક ફીચર એવા છે કે જેના વિષે તમે ક્યારેય પહેલા સાંભળ્યું પણ નહિ હોય. તેમજ બીજી કોઈ પણ ઈલેક્ટ્રીક બાઈકમાં આવા ફીચર જોયા પણ નહિ હોય તેની ગેરંટી. તો બધું કામ સાઈડ પર મૂકી દો અને OLA સ્કુટરના અદ્ભુત, આશ્વર્યજનક ફીચર જોઇ લો. ચોંકી જશો તેની ગેરંટી. 

• 1. ડીઝાઈન 

Ola Electric scooter માં ડીઝાઇન સૌથી અદ્ભુત છે. તેમાં કલરની વાત કરીએ તો “S1” મોડલ 5 કલરમાં તેમજ “S1 pro” 10 કલર માં જોવા મળશે. તેમજ આ Ola સ્કુટર માં બુટ સ્પેસ “સીટ નીચેની જગ્યા” માં બે હેલ્મેટ રહી શકે તેવી જગ્યા છે. તેમજ આઇકોનિક હેડ લેમ્પ જોવા મળશે, જે લેમ્પ ખરેખર બીજી બાઈક કરતા અલગ જોવા મળશે.

• 2. પરફોર્મન્સ 

Ola સ્કુટર ના પરફોર્મન્સ ની વાત સૌથી અલગ છે. આ વાત તેને બીજા ઇલેક્ટ્રિક સ્કુટર થી અલગ પાડે છે. 0-40 ની સ્પીડ ફક્ત 3 સેકન્ડમાં જ પકડી લેશે. અને 0-60 ણી સ્પીડ ફક્ત 5 સેકન્ડમાં પ્રાપ્ત કરશે. અને ટોપ સ્પીડની વાત કરીએ તો 115 km/h ની સ્પીડે ચાલી શકે છે. તેમજ 180-190 કિલોમીટર એક વાર ચાર્જ કરવાથી ચાલી શકશે. તેવું ભાવિશ અગ્રવાલે જણાવ્યું હતું. કયું મોડલ કેટલી રેન્જ & સ્પીડથી ચાલશે તે આગળ જોઈશું.

• 3. ડ્રાઈવિંગ મોડ 

OLA સ્કુટરમાં 3 ડ્રાઈવિંગ મોડ જોવા મળશે. જેમાં 1. નોર્મલ મોડ 2. સ્પોર્ટ્સ મોડ અને 3. હાઈપર મોડ હશે. તેમાં હાઈપર મોડ ખુબ અદ્ભુત હશે જેમાં તમારું OLA સ્કુટર એક સ્પોર્ટ્સ બાઈક ને પણ ટક્કર આપી શકશે અને તે ઘણી બાઈક કરતા પણ ફાસ્ટ હશે. Ola સ્કુટરમાં મોસ્ટ પાવરફુલ મોટર 8.5 kW નો પીક પાવર સાથે અને એક 3.9 કિલોવોટની બેટરી કેપેસીટી જોવા મળશે. આ કેપેસીટી જનરલી બીજી ઈ-બાઈક્સ કરતા 30% વધુ છે.

• 4. ચાર્જીંગ 

OLA સ્કુટરમાં માં 750 વોટ નું પોર્ટેબલ ચાર્જર આવશે. જેનાથી તમે ઘરે 6 કલાકમાં ફૂલ બાઈક ચાર્જ કરી શકશો. તેમજ સૌથી મહત્વની વાત એ છે કે, OLA નાં હાઈપર ચાર્જર સ્ટેશન પર 50% ચાર્જીંગ ફક્ત 18 મીનીટમાં જ થઇ જશે. OLA કંપનીએ આગળ જણાવ્યું હતું કે, ભારતના બધા જ સિટીમાં હાઈપર ચાર્જર સ્ટેશનો ટૂંક સમયમાં જ ખોલવામાં આવશે. જ્યાં તમે લગભગ ચાર્જીંગ કરી શકશો. (પૈસા ચુકવવા પડશે કે નહિ એ વાત હજુ નક્કી નથી)

•  5. ક્રુઝ કંટ્રોલ (જોરદાર ફીચર) 

Ola સ્કુટરમાં ક્રુઝ કંટ્રોલ નામનું જોરદાર ફીચર પણ આપવામાં આવ્યુ છે. જેમાં તમે એક બટન દબાવશો એટલે તમે નક્કી કરેલી સ્પીડે સ્કુટર એક સમાન ચાલશે. મતલબ કે 50 ની સ્પીડે તમે બટન દબાવશો એટલે 50 ની સ્પીડે લીવર મૂકી દેશો તે પણ બાઈક કંટીન્યુ ચાલશે. આ ફીચર હજુ સુધી લગભગ તમે ક્યાય જોયું નહિ હોય.

• 6. લોક અનલોક સીસ્ટમ 

Ola સ્કુટરમાં લોક અન્લોકની જોરદાર સીસ્ટમ આપેલી છે. આ સ્કુટર કી-લેસ હશે, એટલે કે કોઈ ચાવી આ સ્કુટર સાથે નહિ. સ્કુટરને લોક- અને અનલોક કરવા માટે ટચસ્ક્રીન અને એપ્લીકેશન નો ઉપયોગ કરવામાં આવશે. તેમજ એક એવી પણ સીસ્ટમ એક્ટીવેટ કરી શકશો કે જયારે તમે સ્કુટર નજીક આવશો એટલે સ્કુટરનું સેન્સર ઓટોમેટીક તમને ઓળખી લેશે અને સ્કુટર ઓટોમેટીક અનલોક થઇ જશે. અને સાથે એવું બોલશે પણ “હેલ્લો પૂજા” (તમારું નામ બોલશે- “પૂજા” ઉદાહરણ છે.) અને સ્કુત્રથી તમે દુર જશો એટલે ઓટોમેટીક સ્કુટર લોક થઇ જશે. અને બોલશે કે, “બાય બાય પૂજા.”

• 7. સ્કૂટર સાઉન્ડ તમારા મૂડ પ્રમાણે બદલશે. (અદ્ભુત ફીચર)

તમે ચોંક્યા ને, હા… તો જાણો – જનરલી ઈ-સ્કુટરમાં કોઈ અવાજ હોતો નથી. પણ Ola સ્કુટરએ થોડું હટકે વિચાર્યું છે. Ola સ્કુટર તમે ચલાવો ત્યારે તમે નક્કી કરો એવો અવાજ કાઢી શકશે. આ અવાજ તેમાં રહેલા સ્પીકરમાંથી નીકળશે. જનરલી પેટ્રોલ બાઈકમાં એક જ ટાઈપનો અવાજ હોય છે. પણ આ Ola સ્કુટરમાં તમે અલગ અલગ એવો અવાજ રાખી શકશો.
( આ ફીચર તમને લખીને કે વાંચીને નહિ સમજાય પણ વીડીઓમાં જોશો તો તમે બોલી ઉઠશો કે, અદ્ભુત…)

• 8. સ્પીડો મીટરની ડિસ્પ્લે તમે ચેન્જ કરી શકશો.. (જેમ વોલપેપર બદલો તેમ) 

જેમ તમે મોબાઈલમાં વોલપેપર બદલો તેમ તમે તમારા મૂળ પ્રમાણે સ્પીડોમીટરની ડિસ્પ્લે પણ બદલી શકશો. જે એકદમ અદ્ભુત ફીચર છે. ટૂંકમાં એક કરતા અલગ અલગ સ્પીડોમિટર રાખી શકશો. તેમજ આ સ્પીડોમીટર ચેન્જ થશે એટલે તમારા સ્કૂટરનો અવાજ પણ ચેન્જ થશે. લગભગ આ બંને ફીચર એક સાથે કામ કરે છે. ઉદા. તમે નેચર થીમ નું સ્પીડોમીટર રાખો એટલે બાઈક નેચરનો અવાજ આપશે. સુપરબાઈક નું સ્પીડોમીટર રાખશો એટલે તમારી બાઈક એવો અવાજ કાઢશે. તેમજ તમે અવાજ એપ્લીકેશન કે બટનથી ઓછો વધુ કરી શકશો.

• 9. ડિસ્પ્લે 

Ola સ્કુટરમાં માં 7 ઈંચની ડિસ્પ્લે આપી છે. જે એકદમ શાર્પ, એકદમ બ્રાઈટ અને શટર પ્રૂફ (ચકનાચૂર કે ટુકડે ટુકડા ના થાય તેવી) હશે. તેમજ Ola સ્કુટરમાં પાવરફુલ કમ્પ્યુટર સીસ્ટમ હશે જેમાં 3 GB RAM અને Octa Core પ્રોસેસર હશે. સાથે સાથે આ સ્કુટર 4G, Wi-Fi અને bluetooth થી કનેક્ટ થઇ શકશે.

• 10. ડિસ્પ્લે પરથી મ્યુઝીક, કોલ અને મેપ દેખાશે.

Ola સ્કુટરમાં ડિસ્પ્લે પર તમે મૂડ પ્રમાણે મ્યુઝીક વગાડી શકશો, (સ્કુટરમાં તમે તમારા મનપસંદ સોંગ અપલોડ પણ કરી શકશો એટલે પછી ફોન વગર પણ સાંભળી શકાય). મેપ જોઈ શકશો જે મેપ બીજા વાહનો કરતા જબરજસ્ત હશે. તેમજ જેમ મોબાઈલ માં વિજેટ્સ આવે તેમ આ સ્કુટર પર પણ તમે અનેક વિજેટ્સ જોઈ શકશો. એટલે કે, મેપ, મ્યુઝીક, તાપમાન, બેટરી ઇન્ફોમેશન, RPM, કોલ ઇન્ફોર્મેશન વગેરે…

• 11. કોણ ચલાવે છે તે પ્રમાણે સ્કુટર ચાલશે. (ગોલ્ડન ફીચર) (પ્રોફાઈલ ડ્રાઈવિંગ)

Ola સ્કુટરમાં આ એક જબરજસ્ત ફીચર છે, આને અમે ગોલ્ડન ફીચર એવું નામ આપ્યું છે. તો આ ફીચરમાં તમે ફેમીલીની પ્રોફાઈલ બનાવી શકો છો. એટલે કે, તમારી, તમારા વાઈફની, મમ્મી- પપ્પા- ભાઈ વગરે.. હવે આ સ્કુટર ધારો કે, તમારા પપ્પા ચલાવે છે. તો તમે તેની પ્રોફાઈલ પ્રમાણે સ્કુટર કંટ્રોલ કરી શકશો. એટલે કે, તમે સ્પીડ લીમીટ 40 ની રાખી શકશો. તેમજ સ્પોર્ટ્સ અને હાઈપર મોડ લોક કરી શકશો. તેમજ તમે અમુક એરિયા પણ લોક કરી શકશો. તેમજ તમે ચલાવનારનું લાઈવ લોકેશન પણ જોઈ શકશો.

• વોઈસ કંટ્રોલ 

Ola સ્કુટરમાં અમુક જગ્યાએ માઈક્રો ફોન પણ લગાવેલા છે જેનાથી તમે જ્યારે સ્કુટર ચલાવી રહ્યા હોવ ત્યારે તમારે ક્યાય ટચ કરવાની જરૂર નથી, ફક્ત તમે બોલશો તે પ્રમાણે કામ થશે. દા.ત. વોલ્યુમ ઓછું કરવું, કોલ રીસીવ કરવો, મ્યુઝીક પળે કરવું વગેરે..

• વધારાના બીજા ફીચર 

સ્કુટર પરથી જ કોલ અને મેસેજ થઇ શકશે, એન્ટી થીફ અલાર્મ (ચોરી થવા પર વાગતું અલાર્મ), રાઈડ જર્નલ, ઈમરજન્સી કોન્ટેક્ટ એલર્ટ, ડાર્ક મોડ (રાત્રીના સમયે ડિસ્પ્લે ડાર્ક મોડમાં આવી જાય), ઓટો બ્રાઈટનેસ ડિસ્પ્લે, ઓટો ઈન્ડીકેટર ઓફ, શેર લોકેશન, શેર કી (તમારૂ સ્કુટર દુર પડ્યું હોય અને બીજા કોઈ વ્યક્તિ સાથે તમે કી શેર કરશો ત્યારે તે વ્યક્તિ તમારું સ્કુટર ચલાવી શકશે.)

• S1 મોડલની (રેંજ, ટોપ સ્પીડ, અને કિંમત)

S1 મોડલની રેંજ 121 km છે, S1 મોડલની ટોપ સ્પીડ 90 km/h છે. અને S1 મોડલની કિંમત 99,999 રુ. છે. આ S1 મોડલ 5 કલરમાં ઉપલબ્ધ છે, વ્હાઈટ, બ્લુ, રેડ, બ્લેક અને યલો. આ S1 મોડલ બે મોડમાં ચાલી શકશે, નોર્મલ મોડ અને સ્પોર્ટ મોડ. અને  હાઈપર મોડ આ મોડલમાં નથી મળતો. તેના માટે S1 pro મોડલમાં જવું પડશે. તેમજ 0-40 km/h પહોચવામાં S1 મોડલ 3.6 સેકન્ડ લેશે. 

• S1 pro મોડલની (રેંજ, ટોપ સ્પીડ, અને કિંમત)

S1 pro મોડલની રેંજ 181 km છે, S1 મોડલ કરતા 60 km વધુ રેંજ. S1 pro મોડલની ટોપ સ્પીડ 115 km/h છે. અને S1 pro મોડલની કિંમત 1,29,999 રૂ. છે. આ S1 મોડલ 10 કલરમાં ઉપલબ્ધ છે, વ્હાઈટ, બ્લુ, રેડ, બ્લેક અને યલો ઉપરાંત પિંક, ડાર્ક બ્લુ, ગ્રે, ડાર્ક ગ્રે અને મેટ બ્લેક કલર હશે.  આ S1 pro મોડલ 3 મોડમાં ચાલી શકશે, નોર્મલ, સ્પોર્ટ અને હાઈપર મોડ. તેમજ 0-40 km/h પહોચવામાં S1 pro મોડલ 3.0 સેકન્ડ લેશે. 

• ગુજરાતમાં કેટલી મળશે સબસીડી 

S1 મોડલ અમે S1 pro મોડલ તમે EMI થી પણ લઇ શકશો. તેના માટે લગભગ 2999/month થી હપ્તો શરુ થઇ શકશે.  અમુક સ્ટેટ દ્વારા સબસીડીનો લાભ પણ તમે લઇ શકશો. તેમાં ગુજરાત સૌથી વધુ સબસીડી આપે છે તેમ ભાવીશ અગ્રવાલે જણાવ્યું છે. 99,999 નું S1 modal ગુજરાતમાં સબસીડી સાથે 79,999 માં મળી શકશે અને 129,000  નું S1 pro મોડલ 1,09,999 માં મળી શકશે. એટલે બંને મોડલમાં 20,000 ની સબસીડી તેવું વીડીઓમાં જણાવ્યું હતું. પણ કદાચ ખરીદવાના સમયે આ સબસીડી પ્લસ-માઈનસ હોઈ શકે છે.

• ક્યારે મળશે ડીલીવરી 

આ સૌથી મહત્વની વાત ભાવીશ અગ્રવાલે સૌથી અંતમાં જણાવી હતી. જે લોકોએ 499 માં સ્કુટર રીઝર્વ કરેલું છે. તેમને 8 સપ્ટેમ્બર થી બીજા પૈસા આપીને ખરીદી કરી શકશે. ત્યાર બાદ OLA તેઓને ડીલીવરી ઓક્ટોબરમાં આપશે. (એટલે આમ જુઓ તો 2 મહિનામાં સ્કુટર તમારું થઇ જશે.)

તો જો તમે ઉપરની બધી જ માહિતી વાંચી હશે તો તમે જરૂર આ સ્કુટર લેવાનું વિચારતા હશો. અમને નીચે કોમેન્ટમાં જણાવો કે OLA સ્કુટરનું કયું ફીચર તમને સૌથી વધુ ગમ્યું. તેમજ જો આ આપેલી માહિતીમાં કોઈ માહિતી ના સમજાઈ હોય તો અમને કમેન્ટમાં કહો. જેથી અમે જરૂર તેનું સોલ્યુશન કરી આપવાની ટ્રાય કરીશું. તેમજ આ માહિતી ઈન્ટરનેટ પરથી તેમજ ભાવિશ અગ્રવાલ ના વિડીઓ પરથી બનાવેલ છે. તો માહિતીમાં થોડો ચેન્જ પણ હોઈ શકે છે.