👉 દરેક વ્યક્તિ પોતાના ઘરને સુંદર અને આકર્ષક બનાવવા ઈચ્છે છે. તેથી ઘરની સજાવટ, દિવાલોના કલર અને ટાઇલ્સ સુંદર લગાવે છે. ઘણી વખત થોડા સમયના અંતરે ટાઇલ્સને સાફ કરવી પડતી હોય છે. જો બરાબર ટાઇલ્સની સફાઇ કરવામાં ન આવે તો તે ખૂબ જ ગંદી દેખાય છે.
👉 ઘણી વખત ગંદા દાગ પડી જતા હોય છે જે ઝડપથી સાફ થતા નથી. વર્ષ પછી પણ દાગ નીકળતા નથી. આજે એવા કેટલાક ઘરેલુ ઉપાય વિશે જાણીએ.. આ ઉપાયથી પીળી પડેલી ટાઇલ્સ, ફર્શની ટાઇલ્સ અને બાથરુમની વચ્ચેના સાંધામાં જે દાગ પડયા હશે તે પણ દૂર થશે. આ ઉપાય માટે બજારમાં મળતા ટાઇલ્સ ક્લિનર લીક્વીડ ખરીદવાની કોઇ જરુર નથી. પરંતુ ઘરમાં જ રહેલી વસ્તુઓનો ઉપયોગ કરીને ટાઇલ્સ ક્લિન થશે..
👉 સિરકો(વિનેગર): ઘણી વખત નાના બાળકો વારંવાર ખાવાની વસ્તુ ઘરમાં જમીન પર ઢોળતા હોય છે જેના કારણે વારંવાર સાફ કરવુ પડે છે. અમુક વસ્તુના જીદ્દી દાગ ટાઇલ્સ પર રહી જાય છે. તે દાગને ગમે તેટલુ સાફ કરીએ પણ તે જતા જ નથી. તેના માટે એક ડોલમાં પાણી અડધો ગ્લાસ વિનેગર રેડવું અને બરાબર મિક્સ કરી લેવું.
👉 જો ટાઇલ્સને વધારે ચમકાવા માગતા હોય તો તે પાણીમાં લીંબુનો પસ રેડવો જેથી ટાઇલ્સ ચમકવા લાગશે. આ પાણીથી તમે પોતુ પણ કરી શકો છો. જેથી ઘરમાં રહેલી બધી ગંદકી સારી રીતે સાફ થઇ જશે અને ફર્શની ટાઇલ્સ ચમકવા લાગશે.
👉 સ્પ્રાઇટઃ ઠંડાપીણાથી ટાઇલ્સ કેવી રીતે સાફ કરી શકાય? એવો પ્રશ્ન તમને થશે. તમને જાણીને નવાઇ લાગશે કે પોતું સરસ કરવા છતા કોઇ વાર ટાઇલ્સ પર લીસોટા દેખાતા હોય છે. એક ડોલ ગરમ પાણી તેમાં એક કપ સ્પ્રાઇટ નાખી તેનાથી ઘરમાં પોતુ કરો. આ પાણીથી પોતુ કરવાથી ઘરમાં પડેલા દાગ સારી રીતે સાફ થઇ જશે. આ પાણીથી ફર્નિચર પણ સાફ કરી શકો છો.
👉 ઓલિવ ઓઇલઃ તેલથી તો કાંઇ ઘરની ટાઇલ્સ સાફ થતી હશે કારણ કે તેનાથી પોતુ કરીએ તો ઘર ચીકણું થઇ જતુ હોય છે. પરંતુ આ વસ્તુ તદ્દન વિપરીત છે. જો તમે ઓલિવ ઓઇલ અને વિનેગર બંને મિક્સ કરી તેમાં એક ડોલ પાણી લઇ ઘરની જે પણ ટાઇલ્સો હશે તે સાફ કરશો તો ચપટી વગાડતા બધી ગંદકી સાફ થઇને ચમકી ઉઠશે. આ પાણીથી ઘરનું વુડન ફર્નિચર પણ સાફ કરી શકો છો.
👉 બેકિંગ સોડાઃ સામાન્ય રીતે રસોડામાં તેલનો વઘાર કે તળેલી વસ્તુ બનાવીએ ત્યારે તેલના દાગ પડી જતા હોય છે. તેને સાદા પાણીથી લુછીએ ત્યારે પણ દાગ પડી જતા હોય છે. આ દાગને દૂર કરવા માટે જે જગ્યાએ દાગ પડ્યો હોય ત્યાં બેંકિગ સોડા છાંટી દો અને તેના પર થોડું ગરમ પાણી રેડો અથવા ગરમ પાણી વાળુ કપડુ ફેરવશો તો ઝડપથી સાફ થઇ જશે. ઉલ્લેખનીય છે કે ઠંડા પાણીનું કપડું હશે તો બરાબર સાફ થશે નહીં તો ચીકાશ પણ તેમ જ રહેશે. એટલે ગરમ પાણીનું કપડું લેવું.
👉 કેરોસીનઃ જો પૂરી તળતી વખતે ગેસની આસપાસ અને ફર્શ પર તેલ ઢોળાઇ ગયુ હોય તો તમે કેરોસીનના થોડા છાંટા પાડી. તેની પર ગરમ પાણીનું પોતુ ફેરવી દેશો તો તરત તેલના દાગ જતા રહેશે. અહીં ઉલ્લેખનીય છે કે, ગેસની સગડી જોડે પોતુ કરો ત્યારે ગેસના બર્નર બંધ હોવુ જોઇએ. કારણ કે ગેસમાં આગ લાગી શકે છે. થોડી સાવચેતી રાખવી અને પછી આ પોતુ કરવું. આ પોતુ કરવાથી ઘરમાં કેરોસીનની સ્મેલ આવતી નથી.
👉 ચાની ભૂકીઃ બે ગ્લાસ પાણી લો તેમાં અડધા કપ જેટલી ચાની ભૂકી એડ કરી તેને ઉકળવા દો. આ બરાબર ઉકળી જાય એટલે ગેસ બંધ કરી તેને ગાળી લો. આ પાણીને ફર્શ પર રેડી હળવા હાથે કૂચડો લઇ ઘસવું. જેથી ટાઇલ્સ પર પડેલી પીળાશ દૂર થઇ જશે. આ પ્રયોગ કરશો તો કિચન બાથરુમ અને ફર્શની ટાઇલ્સો ચમકવા લાગશે.
જો આ માહિતી ગમી હોય તો લાઇક 👍 કરીને કોમેન્ટમાં ફક્ત “Good” જરૂર લખજો. જેથી આવી બીજી માહિતી આપને આપીશું.- આભાર. તેમજ વધુ માહિતી માટે અમારું ફેસબુક પેજ 👉 GKgrips.com 👈 પર ક્લિક કરો. આ માહિતી ઇન્ટરનેટ પરથી લેવામાં આવી છે.
