દરેક ગૃહિણી રસોડું બને તેટલું સ્વચ્છ રાખવાનો પ્રયત્ન કરતી હોય છે. રસોઈ કરી જમવાનું પતે એટલે તરત પ્લેટફોર્મ સાફ કરી લેતી હોય છે. જેથી અચાનક પણ મહેમાન આવી જાય તો ગંદુ ન લાગે. પણ કેટલીક વખત પ્લેટફોર્મ આપણે ચોખ્ખુ રાખતા રસોડામાં રહેલા સિંકમાં કાટ આવી જતો હોય છે. તેના લીધે જોનારને ગંદુ લાગતું હોય છે.
ઘણા લોકોને પાણીમાં ક્ષાર વધારે હોવાને કારણે પણ સફેદ દાગ પડી જતા હોય છે. જેના કારણે રોજ સાફ કરવા છતાં સિંક ગંદુ લાગવા લાગે છે. સિંક સાફ રહે તેના માટે મોટાભાગના લોકો બજારમાં મળતાં મોંઘા લીક્વીડ લાવતા હોય છે. તો પણ કોઈ પ્રકારનો ફેર પડતો નથી. તો આજે તમને ઉપયોગી ટિપ્સ જણાવીશું જેનાથી તમારા સિંક પર જામેલો કાટ પણ દૂર થઈ જશે અને તારાની જેમ ચમકવા લાગશે.
લીંબુ અને મીઠું- મીઠું અને લીંબુથી ઘણી એવી વસ્તુ હોય છે જેને સાફ કરી શકાય છે. આ બંને વસ્તુને બરાબર મિક્સ કરીને સિંક સાફ કરવામાં આવે તો કાટ દૂર કરી શકાય છે. તેના કેટલા પ્રમાણમાં લેવાનું તે જોઈએ.
2 ચમચી મીઠું, 1 લીંબુ, 1 ચમચી સફેદ વિનેગર અથવા સ્ક્રબ.
કેવી રીતે ઉપયોગ કરવો- એક વાડકામાં મીઠું અને લીંબુ મિક્સ કરવું તે થયા બાદ તેમાં વિનેગર મિક્સ કરી બરાબર હલાવવું. પેસ્ટ થોડી જાડી રહે તેનું ખાસ ધ્યાન રાખવું, જેથી સિંકમાં બરાબર લગાવી શકાય. પેસ્ટ લગાવ્યા બાદ 30 મિનિટ સુધી તેમ જ રહેવા દેવી. 30 મિનિટ થાય તે પછી વાસણ ઘસવાનું સ્ક્રબ લઈ ઘસવું. પછી તેને પાણી વડે સાફ કરી નાખવું.
ઘણી વખત ક્ષારના પણ ડાઘ પડી જતા હોય છે, તો તેને દૂર કરવા માટે વનસ્પતિ તેલ લેવાનું રહેશે તેમાં લીંબુનો રસ મિક્સ કરવો દરરોજ સિંકમાં તે લગાવી ચોખ્ખા પાણીથી સાફ કરી નાખવું.
ખાવાનો સોડા અને વિનેગર- વિનેગરથી ઘરના ફર્શ પર લાગેલો મેલ પણ દૂર કરી શકાય છે. તો બેકિંગ સોડા અને વિનેગરને મિક્સ કરી સિંકમાં લગાવવામાં આવે તો કાટ દૂર કરી શકાય છે. તેનાથી તમને ઝડપી લાભ થતો દેખાશે.
2 ચમચી બેકિંગ સોડા, 1 ચમચી વિનેગર, 1 ચમચી ગરમ પાણી અને સ્ક્રબ.
હવે એક બાઉલમાં ખાવાનો સોડા અને વિનેગર બરાબર મિક્સ કરો જેમ પેસ્ટ તૈયાર કરવાની હોય એ રીતે. આ પેસ્ટને સિંકમાં લગાવી લો. 30થી 40 મિનિટ સુધી પેસ્ટ લગાવેલી રહેવા દેવી. પછી તેને સ્ક્રબ વડે ઘસી ગરમ પાણીથી સાફ કરી લો. જો આ રીતે તમે વીકમાં બે વખત સાફ કરશો તો સિંકમાં કોઈ પણ પ્રકારની ચોંટશે નહીં અને કાટ તો જોવા જ નહીં મળે.
બેકિંગ સોડા અને પાણી- ગરમ પાણી તો આપણે કંઈ સિંકમાં રેડતા જ હોઈએ છીએ જેના કારણે તેના પાઇપમાં જે ગંદકી ચોંટી હોય અથવા જીવજંતુ હોય તે મરી જાય. પરંતુ જો સિંકમાં કાટ લાગી ગયો હોય તો ખાવાનો સોડા અને ગરમ પાણીનો ઉપયોગ કરી શકો છો.
સૌથી 1 ચમચી ખાવાનો સોડા, 1 કપ ગરમ પાણી, વાસણ ઘસવાનો સાબુ કે લિક્વીડ લેવાનું રહેશે.
પહેલા વાસણ ઘસવાનું લિક્વીડ કે સાબુ વડે સિંક સાફ કરી લો. હવે તમને સિંકમાં જે જગ્યા પર કાટ દેખાય ત્યાં ખાવાનો સોડા છાંટવો. આ સોડાને એક કલાક સુધી એમ જ રહેવા દો. 1 કલાક બાદ સ્ક્રબથી ઘસી ગરમ પાણી વડે સાફ કરી નાખો.
ઘણી વખત વધારે કાટ લાગી જવાના કારણે ફરી પણ ખાવાનો સોડા નાખવો પડશે. તો આ ક્રિયા ફરી કરી શકો છો.
જો રસોડાની સિંક સાફ કરવા વિષેની આ માહિતી, જો ગમી હોય તો લાઇક 👍 કરીને કોમેન્ટમાં ફક્ત “Good” જરૂર લખજો. તમારે બીજી કયા વિષય પર માહિતી જોઈએ છે તે કોમેન્ટમાં જરૂર લખો. આભાર. તેમજ વધુ માહિતી માટે અમારું ફેસબુક પેજ 👉 GKgrips.com 👈 પર ક્લિક કરો. આ માહિતી ઇન્ટરનેટ પરથી લેવામાં આવી છે.
