શીંગ એવી વસ્તુ છે જે નાના-મોટા દરેક વ્યક્તિને ભાવતી હોય છે. નાનું બાળક હોય અને જો એક વખત શીંગનો ટેસ્ટ કરે તો તેને વારંવાર ખાવાની ઇચ્છા થતી હોય છે. પરંતુ ખારી શીંગ બજારમાંથી લાવીએ તો આપણે તેની ડબલ કિંમત આપવી પડતી હોય છે. તો એવી રીત શીખવીએ જેથી તમને બજાર જેવી ખારી શીંગ ઘરે જ ખાવા મળશે. બહારથી લાવવાની ઝંઝટમાંથી છુટકારો મળશે.
સામગ્રી- તેના માટે જોઈશે 500 ગ્રામ શીંગ, 2 ચમચી મીઠું જરૂરી હોય તે રીતે, અને પાણી. (આ ખારી શીંગ બનાવવા માટે તમારે કોઈપણ પ્રકારની રેતની જરૂર પણ નહીં પડે અને ટેસ્ટ એકદમ બહાર જેવો જ આવશે. ચાલો તેની રીત) જોઈએ.
બનાવવાની રીત- સૌથી પહેલા એક મોટું વાસણ લેવું, તે વાસણમાં બે ચમચી મીઠું નાખો. તેમાં દસ ચમચી જેટલું પાણી રેડો. તે પાણીમાં મીઠું બરાબર ઓગળી જાય એ રીતે હલાવો. પછી તેમાં શીંગદાણા નાખો. ધ્યાન રહે કે બધા જ શીંગદાણા પર પાણી બરાબર લાગી જવું જોઈએ.
શીંગદાણા નાખ્યા બાદ તેમાં પાણી થોડું રેડવા જેવું લાગે તો રેડી શકો છો. પરંતુ બહુ જ સામાન્ય રેડવું. હવે આ શીંગદાણાને દસથી બાર મિનિટમાંથી ઢાંકીને બાજુ પર મૂકી દો. 10 મિનિટ થાય એટલે એક વાર ફરી શીંગદાણાને હલાવો અને ઢાંકીને મૂકી દો. આ રીતે 20 મિનિટ જેટલો સમય શીંગદાણાને મીઠાના પાણીમાં રાખવાના રહેશે.
20 મિનિટ રાખ્યા બાદ તે બધી જ શીંગમાં બરાબર મીઠાનું પાણી લાગી ગયું હશે. જેથી બધી શીંગ ફુલી ગયેલી દેખાશે. ત્યાર બાદ બધી શીંગને ગરણીમાં કાઢી તેમાંથી વધારાનું પાણી કાઢી લેવું જોઈએ. એક જાડા કડાઈ લેવી. તેને ગેસ પર ગરમ થવા માટે મૂકો.
તે કડાઈમાં 2થી 3 કપ જેટલું મીઠું નાખો. તેને પણ ફુલ ફ્લેમ પર ગરમ થવા દો. 5 મિનિટ પછી તેમાં શીંગદાણા નાખો અને હલાવતા રહો. થોડી વાર પછી ગેસની ફ્લેમ ધીમી કરી લેવી જોઈએ. જેથી ધીમા તાપે બધા જ શીંગદાણા બરાબર શેકાય જાય.
શેકતી વખતે તમે જોશો કે કેટલાક શીંગદાણાનો રંગ બદલાવા લાગશે અને દાણા ફુટતા પણ હોય છે. અમુક શીંગની તો છાલ પણ નીકળી જશે. તમારી ખારીશીંગ તૈયાર છે. ગેસ બંધ કરો અને પૂરી તળવાનો જારો લઈ બધી શીંગ એક પ્લેટમાં કાઢી લો. આ રીતે કરવાથી શીંગ પર લાગેલું વધારાનું મીઠું નીકળી જશે.
થોડી વાર પછી ટેસ્ટ કરશો તો એકદમ બજારના જેવી જ ખારીશીંગ લાગશે. એકદમ સરળતાથી ઘરે આ રીતે ખારીશીંગ બનાવી શકો છો. જેમાં ખર્ચ પણ ઓછો થતો હોય છે.
ખારીશીંગ વિષે ની માહિતી , જો ગમી હોય તો લાઇક 👍 કરીને કોમેન્ટમાં ફક્ત “Good” જરૂર લખજો. જેથી આવી બીજી માહિતી આપને આપીશું. આપની કોમેન્ટ અમારા માટે ખૂબ મહત્વની હોય છે. – આભાર. તેમજ વધુ માહિતી માટે અમારું ફેસબુક પેજ 👉 GKgrips.com 👈 પર ક્લિક કરો. આ માહિતી ઇન્ટરનેટ પરથી લેવામાં આવી છે.
