ફ્રીજનું ઠંડુ પાણી આજકાલ બધા લોકો શિયાળો-ઉનાળો અને ચોમાસુ આ બધી ઋતુમાં પીવે છે. અમુક લોકોને તો ફ્રિજના પાણીની એવી આદત હોય છે. કે જો તે ફ્રીજનું પાણી ના પીવે તો તેની તરસ છીપાતી નથી. ઉનાળામાં તો 80% બધાં લોકો ફ્રીજનું પાણી પીવા લાગે છે. ઉનાળામાં ઠંડા પાણી અથવા બરફ વગર તરસ છીપતી નથી. ઠંડુ પાણી પીવાથી મનને ઠંડક મળે છે. તેથી જ વધારે લોકો ફ્રીજનું પાણી પીવાનું પસંદ કરે છે.
બરફ વાળું પાણી અથવા ફ્રીજનું પાણી પીવાથી આપણે અનેક બીમારીઓના શિકાર બનીએ છીએ. ફ્રીજનું પાણી રેગ્યુલર પીવાથી આપણા શરીરને શારીરિક અને માનસિક બીમારીઓ સામે લડવું પડે છે. જો તમે પણ બરફ વાળું પાણી અને ફ્રીજનું પાણી રોજે પીતા હોય તો આ આર્ટીકલ જરૂરથી વાંચવો જોઈએ. જેનાથી તમને જાણવા મળશે કે ફ્રીજનું પાણી રેગ્યુલર પીવાથી આપણા શરીરને કેવા-કેવા નુકસાન થાય છે. અને તેનાથી બચવા માટે આપણે શું કરવું જોઈએ આવો તેના વિશે થોડી માહિતી જાણીએ.
ફ્રીજનું પાણી કૃત્રિમ રીતે સામાન્ય તાપમાન કરતા વધારે નીચા તાપમાનમાં ઠંડુ થાય છે. જેને રોજે પીવાથી તમારા આંતરડા સંકડા થવા લાગે છે. અને ધીમે-ધીમે પાચનક્રિયા નબળી પડવા લાગે છે. તેનાથી તમારું પેટ બરાબર સાફ થતું નથી અને કબજિયાત જેવી બીમારી થાય છે. આ બીમારી જો લાંબા સમય સુધી ચાલે તો તમારા શરીરમાં બીજી અનેક નાની-મોટી બીમારી થવા લાગે છે. જેમકે પેટનો દુખાવો,ગેસ અને એસીડીટી જેવી બીમારી થવા લાગે છે.
કબજિયાતના લીધે તમારા વાળ ખરવાની સમસ્યા પણ શરુ થઈ જાય છે. અને સ્કીન પણ ખરાબ થવા લાગે છે. આ બધી બીમારી જો તમારે દુર કરવી હોય તો તમારું પાચનતંત્ર સારું રાખવું પડે. પાચનતંત્ર ને સારું રાખવા અને પેટને સાફ રાખવા માટે માટલાનું પાણી મદદ રૂપ થાય છે. જે લોકો રોજે માટલાનું પાણી પીવે છે. તે પેટની બીમારીઓ થી દુર રહે છે.
જો ઉનાળાના ચાર મહિના લગાતાર ઠંડુ ફ્રીજનું પાણી પીવામાં આવે તો આપણા શરીરને અનેક પ્રકારના બીજા નુકસાન થાય છે. ફ્રીજનું ઠંડુ પાણી શરીરમાં ફેટને જમા કરી દે છે. જે શરીરને વધારે છે. ફ્રીજનું ઠંડુ પાણી એનર્જી ઓછી કરી નાખે છે. જેનાથી આપણું શરીર અને મન આળસ અનુભવે છે. અને કોઈ કામમાં મન લાગતું નથી. આપણી કામ કરવાની આળસના લીધે પણ આપણું શરીર વધવા લાગે છે. તમે આખો દિવસ આળસ વગર કામ કરવા માંગતા હોય તો બને ત્યાં સુધી માટલાનું પાણી પીવાનું રાખવું જોઈએ અને જો શરીરને નીરોગી રાખવું હોય તો બને ત્યાં સુધી ફ્રિજના પાણીથી દુર રહેવું.
આપણું શરીર નોર્મલ ટેમ્પરેચર માં રહેવા માટે ટેવાયેલ હોય છે. જેનાથી આપણી રોગ પ્રતિકારક શક્તિ સારી રહે છે. જેનાથી આપણે બીમારી સામે લડી શકીએ છીએ. પણ જે લોકો ફ્રીજનું પાણી રોજે પિતા હોય તેના શરીરનું તાપમાન ઓછું થવા લાગે છે. તેનાથી તેની રોગપ્રતિકારક શક્તિ નબળી પડે છે. અને તેનું શરીર રોગ સામે લડી શકતું નથી અને આસાનીથી બીમાર પડી જાય છે. જે લોકો ડાયટ કરતા હોય તેવા લોકોને તો ખાસ કરીને ઠંડા પાણીથી દુર રહેવું જોઈએ.
ઠંડુ પાણી પીવાથી હ્રદયને સૌથી વધારે નુકસાન થાય છે. ઠંડુ પાણી પીવાથી આપણી રક્તવહીનીઓ પર અસર પડે છે. જેનાથી હ્રદય પર વધારે દબાણ પડે છે. તેના લીધે હ્રદયને બ્લડ સરક્યુંલેટ કરવામાં વધારે તકલીફ પડે છે. વધુ દબાણ પડવાથી લાંબા સમયે હ્રદયના ધબકારા ધીમા પડવા લાગે છે. અને હાર્ટ એટેક જેવી ગંભીર બીમારીના શિકાર બની શકાય છે. જેનાથી ક્યારેક જીવ પણ જોખમમાં મુકાય છે. ઠંડુ પાણી રોજે પીવાથી આતરડા તો સંકોચાય છે. સાથે-સાથે નસો પણ સંકોચવા લાગે છે. જેના લીધે બ્લડ પ્રેશર જેવી બીમારી લાગુ પડે છે.
ફ્રીજનું પાણી પીવાથી તમારો અવાજ થોડો મોટો અને બેસુરો થવા લાગે છે. ફ્રીજનું પાણી પીવાથી ગળું ખરાબ થાય છે. ઉનાળામાં જો ફ્રીજનું પાણી પીવામાં આવે તો આપણા શરીરનું તાપમાન અચાનક બદલાય છે. તેનાથી માથાનો દુખાવો થવાની સંભાવના વધે છે. ઠંડુ પાણી રોજ પીવાથી છાતીમાં કફ જમા થવા લાગે છે. જેનાથી શરદી અને ઉધરસ જેવી બીમારી થાય છે.
એક વધારાની વાત પણ જતા જતા તમને જણાવી દઈએ કે, એક ઈન્ટરવ્યું માં પ્રખ્યાત ગાયિકા લતા મંગેશકરે જણાવ્યું હતું કે, તેમને બાળપણથી અત્યાર સુધી ક્યારેય આઈસ્ક્રીમ ખાધો જ નથી. તેનું એક જ કારણ છે કે આઈસ્ક્રીમ ઠંડો હોવાથી તેનું ગળામાં પ્રોબ્લેમ થઇ શકે. વિચાર કરો કે કોઈ એવું હશે કે, જેણે આજ સુધી આઈસ્ક્રીમ ના ખાધો હોય? ટૂંકમાં હવે તમને સમજાય છે કે ઠંડુ પાણી કેટલી સમસ્યા કરી શકે છે..
આવા અનેક પ્રકારના નુકસાન અને અલગ-અલગ પ્રકારની બીમારીઓ ફ્રિજનું ઠંડુ પાણી પીવાથી થાય છે. આથી બને ત્યાં સુધી ફ્રિજના પાણીથી દુર રહેવું. અને માટલાનું પાણી પીવાનું વધારે રાખવું જોઈએ. માટલાનું પાણી આપણા શરીરના અનેક રોગ દુર કરે છે.
આવી બેસ્ટ જાણકારી માટે નીચે આપેલું બ્લુ કલરનું LIKE નું બટન દબાવીને પેજ લાઈક કરી લેજો. જેથી આવા બીજા મહત્વના લેખ તમને મળી શકે. આ પોસ્ટને લાઈક કરી લેજો. આ માહિતી કેવી લાગી તે અમને કોમેન્ટ કરીને જરૂર જણાવો. હવે મળીશું આવતા બેસ્ટ આર્ટીકલ સાથે. – ધન્યવાદ.
